السلام عليكم ....
خش وشوف ماذا قالت ال CNN
عن مظاهره شباب المنصوره
الجزء الثانى من الحمله من هنــــــــــــا
طبعا كلنا سمعنا عن سياسه الاستخدام "العادل" اللى مش عارف عادل ازاى
اللى حيتم تحديد مساحه معينه للدون لود
ودى تم تطبيقها من قبل الشركات الانتر نت فى مصر
وحتكون كا التالى
512 ك ب / ث =25 جيجابايت / شهريا
1024 ك ب / ث =40 جيجابايت / شهريا
2048 ك ب / ث =60 جيجابايت / شهريا
4096 ك ب / ث =80 جيجابايت / شهريا
8192 ك ب / ث =120 جيجابايت / شهريا
16384 ك ب / ث =180 جيجابايت / شهريا
24576 ك ب / ث =250 جيجابايت / شهريا
وده فى ظلم كبير لينا وطبعا هما فاكرين اننا حنقول حاضر وماشى وودن من طين و ودن من عجين كا العاده
بس المره ده لازم نطالب بحقوقنا اللى بتضيع فى يوم و ليله كدا
وطبعا ده حقنا المشروع
عشان كده احنا حنساهم بدورنا فى حمله لا للانترنت المحدود
وبنتمنى الكل يساهم معانا
و المساهمه بسيطه
وهى كا التالى
تبعت ايميل لناس ممكن تساعد فى ارجاع حقوقنا
وهذه هى الرساله
إلي جميع الساده و المسئولين و المدافعين عن الحقوق في مصر , إلي كل قلم صحفي أو أعلامي أو مسئول يهمه إلا تحدث عمليه نصب واسعه علي أغلب الشباب المصري الذي يعتبر الأنترنت هو المتنفس الوحيد له , منذ أن تولي السيد أحمد نظيف رئيس الوزراء رئاسه وزاره الأتصالات من سنوات عده حدث تطورا ملموسا و واضحا و أستمر كل جاء من بعده علي نهجه , إلا أن الجميع فوجئ في الأيام العديده الماضيه بأحد أبتكارات الجهاز القومي لتنظيم الأتصالات و شركات الأنترنت المصريه المقيده للحريات و المخالفه للأتفاقيات الموقعه مع المشتركين و المخالفه لتوجهات الدوله بضروره أنتشار الأنترنت بمصر و هو ما يسمي بسياسه الأستخدام العادل لتقييد حجم التحميل للسرعات غير المحدوده كما هو منصوص في التعاقدات مع الشركات المختلفه مما يعني مخالفه هذه الشركات بنود هذه العقود و مما يعتبر أستهتار و أستهانه بوزاره الأتصالات و بتوجهات الدوله حيث أن الكميات التي حددتها الشركات لا تكفي لمجرد التصفح اليومي للأنترنت و عمليه التحديث المطلوبه لأغلب البرامج الحديثه و الكفيله بأنهاء هذه الكميه , فبعض أنظمه تشغيل الحاسب الحديثه تحتاج تقريبا لتحديثات تمثل نصف هذه الكميه المتاحه هذا بخلاف التصفح و التحميل الفعلي , نرجو من سيادتكم التدخل و بذل الجهد لأعاده الحق لأصحابه و عدم حرمان الشباب من المتنفس الوحيد لهم و مواجهه أستغلال شركات الأنترنت و مخالفتها لعقودها و من القوانين الغير مدروسه من الجهاز القومي لتنظيم الأتصالات الذي يبدوا أن القائمين عليه بعدين كل البعد عن توجهات الدوله أو حتي مجال عملهم في تقييم الأحتياجات المتوسطه لمستخدم الأنترنت........
ودى الايميلات ونحطها مره واحده فى خانه العنوان
info@cpa.gov.eg;questions@cabinet.gov.eg; cccomplaints@tra.gov.eg; info@techdevfund.com; eltahrir@eltahrir.net; akhbarelyom@akhbarelyom.org; ahram@ahram.org.eg; ait@ahram.org.eg; baridelgomaa@ahram.org.eg; alkaheraalyoum@orbit.net; a_ragab@akhbarelyom.org; 7day@mbc.ae; al3ashera@dreams.tv; mostafabak@hotmail.com; 90min@elmehwar.tv
ودى الايميلات السابقه بشكل منفرد وكل ايميل بصاحبه
جهــــــــــــــاز حمايه المستهلك
info@cpa.gov.eg
رئاسه مجلس الوزراء
questions@cabinet.gov.eg
الجهاز القومي لتنظيم الأتصالات
cccomplaints@tra.gov.eg
info@tra.gov.eg
وزاره الأتصالات
http://www.mcit.gov.eg/ar/Contactus.aspx?x=1
صندوق تنميه التكنولوجيا
info@techdevfund.com
جريدة الجمهورية
eltahrir@eltahrir.net
أخبار اليوم
akhbarelyom@akhbarelyom.org
جريدة الأهرام
ahram@ahram.org.eg
مجلة لغة العصر
ait@ahram.org.eg
بريد الجمعه:
baridelgomaa@ahram.org.eg
عمرو أديب
alkaheraalyoum@orbit.net
أحمد رجب
a_ragab@akhbarelyom.org
برنامج اليوم السابع
7day@mbc.ae
برنامج العاشرة مساء_قناة دريم
al3ashera@dreams.tv
مصطفى بكرى-جريدة الاسبوع
mostafabak@hotmail.com
برنامج 90 دقيقة
90min@elmehwar.tv
المصري اليوم - بريد القراء
xskoot@almasry-alyoum.com
بلال فضل
belalfadl@hotmail.com
جريدة الشروق
contact@echoroukonline.com
وان شاء الله حنقدر نلغى هذا القرار الظالم
وارجو ان تنقل جميع المنتديات هذا الموضوع
لو سمحتوا ياجماعه اى حد عايز يقول رأيه ىبقى من غير اى غلط فى اى حد
منقول............
السلام عليكم ورحمه الله و بركاته
خش وشوف ماذا قالت ال CNN
عن مظاهره شباب المنصوره
الجزء الاول من الحمله من هنا
طبعا اكيد كلنا غاضبين جدااااااااااا
من تجاهل الحكومه و شركات الانترنت و طبعا التجاهل الاعلامى اللى حاصل
طبعا احنا المره دى حنقوم بدور تانى او بحاجه تانيه فى الحمله بتاعتنا
اللى انا واثق اننا حنجبر الناس دول بأنهم يلغو القرار الظالم ده
احنا مش حنطالب بأقاله وزير الاتصلات !!!!!
بغض النظر عن ان القرار ده تم عن طريقه و بموافقه الوزاره اللى المفروض ان سبب تعينه على رأسها
هو المساهمه فى انتشار الانتر نت فى كل بيوت مصر
ولان الهدف ده قرب يتحقق بنسبه كبيره تم اصدار هذا القرار الغريب عشان احنا محتاجين نرجع ورا شويه
بص بردو محدش يقدر يلغى الفكر الاقتصادى بتاع الوزير
لان زى مافى فى ناس كتير عارفه
شركه تى داتا شركه مملوكه للحكومه او للوزاره وبالتالى هوه حيزود دخل الوزاره
اينعم فى ناس كتير حيتخرب بيوتها بسبب الموضوع ده
منها اصحاب المواقع و اى حد شغال فى المجال ده وخصوصا لو كان من مصر
بس نرجع ونقول ياعم دى ناس غلابه دوس عليهم عشان الوزاره ويحيا الفكر الاستثمارى
وانت بس اللى معندكش بعد نظر و مش بتبص غير تحت رجلك
طبعا فى ناس حتقولى انت ايه اللى معصبك كده
حقولك التجاهل الاعلامى اللى حاصل و غير كده شوفت اسعار النت بره كنت عاوز اكسر ايه حاجه ليها علاقه بالشركتين دول
يعنى شوفت نت سعره 15 دولار و السرعه 2 ميجا
حتقولى 15* 5.50 ب 86 جامد كدا
حقولك 15 دولار يعنى 15 جنيه لان فرق العملات ده ميخصناش وكل عمله بتتعامل على اساس انها عمله
يعنى الناس دى كسبانين اكتر من الشركات اللى بره بمراحل كبيره
لا وعايزين يقرفونا فى عيشتنا والبحر يحب الزياده
يلا ما علينا بس بردو افتركت عرض فودافون نرفزنى اكتر
اللى بيقول و بيوضح ان الناس دى شغاله بمزاجها
وعامله الموضوع ده بمزاجها فقط لاغير
وده عرض فودافون اللى اكد ان الناس دى شغاله بمزاجها
# 100جيجابايت لسرعة 1 ميجابت، ثم تنخفض السرعة إلى 256 كيلوبت
# 150 جيجابايت لسرعة 2 ميجابت، ثم تنخفض السرعة إلى 256 كيلوبت
# 200 جيجابايت لسرعة 8 ميجابت، ثم تنخفض السرعة إلى 512 كيلوبت
وده عرض الشركات اللى بيتقال عليها كويسه لنفس السرعات
1 ميجا / ث =40 جيجابايت / شهريا
2 ميجا / ث =60 جيجابايت / شهريا
8 ميجا / ث =120 جيجابايت / شهريا
و سرعتك بتنزل ل 128 كيلوبت
يعنى مفيش غير كلمه واحده فقط حسبى الله ونعم الوكيل
عشان كده انا عن نفسى بتبنى الجزء التانى او المرحله التانيه من الحمله
بس المره دى حتكون اقوى و حننهى فيها على شركتين من اكبر شركات الانتر نت فى مصر
على فكره فى ناس كتير ان حيكون فى زى حمله قويه عليههم يوم 10/8/2009
يعنى يوم الاتنين اللى جاى
و اللى حيصل فى اليوم ده كا التالى
وهو احنا حنطلب اننا نلغى اشتركنا !!!!
حتقولى اشتراك ايه يا عم النت بقى شىء اساسى
حقوله لو وافقنا و سكتنا كالعاده الدوس علينا و تدمير اى حاجه بتسبب للشعب الغلبان السعاده
حتبقى هيه الشىء الاساسى ومش حنقدر نعيش من غيره
يعنى بصراحه و بالعربى حناخد على دماغنا و حنقول ماشى وحاضر وده حيحصل على طول
وطبعا الجزء الاول لسه شغال
بس احنا حناخد حقنا بدرعنا بعد ما الناس رافضه تساعدنا او بتتجنب الموضوع ده تقدر تقول على الاعلانات و اكل العيش المر
طبعا عشان احنا المتضرر الوحيد يبقى لازم نجيب حقنا بأدينا و نفضل نطالب بحقوقنا بردو
و على فكره الجزء التالت من الحمله حتكون اننا حنراسل الشركات الاجنبيه و حنطالب بأنها تيجى مصر عشان يبقى فى منافسه اكتر
زى اللى حصل بالظبط لما دخلت اتصلات سوق الموبايل
ونفس اللى حصل لما دخلت فودافون سوق النت
وفى النهايه ارجو تنفيذ الجزء التانى من الحمله مش عشانك بس
بس مينفعش شركات النت تدينا على دماغنا هيه كمان
مش كفايه المعامله و خدمه العملاء اللى خنقتنا
لا كمان حينضمو الى قبله الناس اللى بتدى الشعب على دماغو
حسبى الله ونعم الوكل ومتنسوش على الاتنين القادم موعدنا يوم 10/8/2009
فى البدايه اتمنى تعميم ما قام به رجال المنصوره
وانا كنت اتمنى ان اكون معهم و اشاركهم شرف ما قامو به بألامس
وهو ما تم ذكره فى كبرى المحطات الاعلاميه
وارجو ان نتقابل غدا جميعا امام افرع شركات الانترنت فى مصر فى جميع المحافظات
وان نساعد جميعا فى محاربه الظلم الذى نتعرض له
وفى ما يلى الخبر الذى تم نشره على شبكه ال CNN
الاخباريه
لم ينتظر مستخدمو الإنترنت في مصر حتى الموعد المتفق عليه للقيام بما وصفوه "ثورة" ضد ما يمسى بـ"سياسة التحميل العادل"، التي من شأنها تحديد سرعة الاتصال بالشبكة الإلكترونية، بل بادر المئات منهم بالنزول إلى الشارع، للتعبير عن رفضهم لتلك السياسة التي أعلنت عنها الحكومة المصرية وشركات الإنترنت مؤخراً.
وشهدت مدينة "المنصورة"، كبرى مدن محافظة الدقهلية في شمال شرق القاهرة، وقفة احتجاجية الأحد، أمام مقر شركتين من الشركات التي توفر خدمة الإنترنت، شارك فيها نحو 500 شاب وفتاة، رفعوا لافتات تعبر عن موقفهم المعارض لتلك الخطوة، منها "لا للانترنت المحدود"، و"لا للسلبية.. لا للنصب"، كما هددوا بنقل احتجاجاتهم إلى محافظات أخرى.
وتلقت CNN بالعربية مئات الرسائل من مصريين يعارضون "سياسة التحميل العادل"، كما تسميها شركات الإنترنت وجهاز تنظيم الاتصالات الحكومي، عبّر أصحابها عن رفضهم الربط بين سرعة الاتصال بالشبكة الإلكترونية بحجم المواد التي يتم تحميلها منها، مشيرين إلى عمليات تحديث كثير من البرامج المتاحة على الشبكة تتطلب قدرات تحميل Download تفوق ما تتضمنه تلك "السياسة."
ونقل موقع "أخبار مصر"، التابع لاتحاد الإذاعة والتلفزيون، عن محمد مدحت، الذي قال إنه منظم الوقفة الاحتجاجية في المنصورة الأحد، قوله إن "المعارضين اتفقوا على عدم دفع اشتراكاتهم لشركات الإنترنت لشهر سبتمبر/ أيلول القادم، وذلك للضغط على الشركات."
وأضاف مدحت أن "الشهر القادم هو شهر رمضان المبارك ولا نحتاج للانترنت فيه كثيراً"، ولكنه شدد على قوله إنه "إذا لم يتم إلغاء هذه السياسة، سوف يقوم مستخدمو الخدمة بعدم دفع الشهر الذي يليه"، في خطوة لتصعيد الاحتجاجات ضد شركات الإنترنت.
ووفق هذه السياسة الجديدة، التي تقول شركات الإنترنت إنها تهدف إلى توسيع دائرة الخدمة في مصر، فإن المشتركين بسرعة 512 كيلو بايت في الساعة، سيكون بإمكانهم تحميل Download مواد من الشبكة الإلكترونية بحد أقصى 25 غيغا بايت خلال شهر، بعدها يتم تخفيض السرعة إلى سرعة 128 كيلو بايت حتى انتهاء الشهر.
ودعت العديد من المواقع الاجتماعية والمنتديات على الإنترنت، إلى مقاطعة خدمات الشبكة العنكبوتية يوم الاثنين 10 أغسطس/ آب الجاري، كما شهد موقع Facebook الشهير، إطلاق العديد من المجموعات المناوئة لتلك الخطوة.
وان شاء الله معادنا بكره امام الافرع الرئيسيه لهذه الشركات
وعلى فكره صوتك ولو لوحده اكيد كفايه .............................
